Die Hoërskool Martin Oosthuizen, vernoem na Martin James Oosthuizen wat van 1919 tot 1950 die skoolhoof was, is die trotse uitvloeisel van “tentonderwys” wat in 1898 op die plaas Stofbakkies ontstaan het.

Intussen het “HMO” die huishoudelike naam van hierdie spog- akademiese instelling geword. HMO onderskei hom van ander skole deurdat twee spesialis-studierigtings aangebied word, nl. suiwer akademie en landbou-akademie. HMO se hoë akademiese standaard blyk uit die feit dat ons gereeld onder die top 3- akademiese skole in die ZFM-streek is.

Op buitemuurse gebied word uitnemend presteer. HMO bied ‘n fenomenale sport- en kultuurprogram van 18 skool- en 6 nie-skoolaktiwiteite. Proteakleure in sport, beste sprekers Agri NK, nasionale redenaars en die ATKV Beste Tienerakteur, is enkele van die prestasies wat ons uitnemendheid onderstreep.

Deur u kind die geleentheid te bied om ‘n skoolloopbaan by HMO te deurloop word hy/sy deel van ‘n ryk tradisie: van die Kookpotdoop in graad 8 tot die Uitstapseremonie in graad 12. Belê in u kind, word deel van HMO!